Sri Surya Kavacham in Telugu Lyrics – శ్రీ సూర్య కవచం.

సూర్య కవచమ్

శ్రీభైరవ ఉవాచ

యో దేవదేవో భగవాన్ భాస్కరో మహసాం నిధిః |

గయత్రీనాయకో భాస్వాన్ సవితేతి ప్రగీయతే || 1 ||

తస్యాహం కవచం దివ్యం వజ్రపంజరకాభిధమ్ |

సర్వమంత్రమయం గుహ్యం మూలవిద్యారహస్యకమ్ || 2 ||

సర్వపాపాపహం దేవి దుఃఖదారిద్ర్యనాశనమ్ |

మహాకుష్ఠహరం పుణ్యం సర్వరోగనివర్హణమ్ || 3 ||

సర్వశత్రుసమూహఘ్నం సమ్గ్రామే విజయప్రదమ్ |

సర్వతేజోమయం సర్వదేవదానవపూజితమ్ || 4 ||

రణే రాజభయే ఘోరే సర్వోపద్రవనాశనమ్ |

మాతృకావేష్టితం వర్మ భైరవానననిర్గతమ్ || 5 ||

గ్రహపీడాహరం దేవి సర్వసంకటనాశనమ్ |

ధారణాదస్య దేవేశి బ్రహ్మా లోకపితామహః || 6 ||

విష్ణుర్నారాయణో దేవి రణే దైత్యాంజిష్యతి |

శంకరః సర్వలోకేశో వాసవో‌உపి దివస్పతిః || 7 ||

ఓషధీశః శశీ దేవి శివో‌உహం భైరవేశ్వరః |

మంత్రాత్మకం పరం వర్మ సవితుః సారముత్తమమ్ || 8 ||

యో ధారయేద్ భుజే మూర్ధ్ని రవివారే మహేశ్వరి |

స రాజవల్లభో లోకే తేజస్వీ వైరిమర్దనః || 9 ||

బహునోక్తేన కిం దేవి కవచస్యాస్య ధారణాత్ |

ఇహ లక్ష్మీధనారోగ్య-వృద్ధిర్భవతి నాన్యథా || 10 ||

పరత్ర పరమా ముక్తిర్దేవానామపి దుర్లభా |

కవచస్యాస్య దేవేశి మూలవిద్యామయస్య చ || 11 ||

వజ్రపంజరకాఖ్యస్య మునిర్బ్రహ్మా సమీరితః |

గాయత్ర్యం ఛంద ఇత్యుక్తం దేవతా సవితా స్మృతః || 12 ||

మాయా బీజం శరత్ శక్తిర్నమః కీలకమీశ్వరి |

సర్వార్థసాధనే దేవి వినియోగః ప్రకీర్తితః || 13 ||

అథ సూర్య కవచం

ఓం అమ్ ఆమ్ ఇమ్ ఈం శిరః పాతు ఓం సూర్యో మంత్రవిగ్రహః |

ఉమ్ ఊం ఋం ౠం లలాటం మే హ్రాం రవిః పాతు చిన్మయః || 14 ||

~ళుం ~ళూమ్ ఏమ్ ఐం పాతు నేత్రే హ్రీం మమారుణసారథిః |

ఓం ఔమ్ అమ్ అః శ్రుతీ పాతు సః సర్వజగదీశ్వరః || 15 ||

కం ఖం గం ఘం పాతు గండౌ సూం సూరః సురపూజితః |

చం ఛం జం ఝం చ నాసాం మే పాతు యార్మ్ అర్యమా ప్రభుః || 16 ||

టం ఠం డం ఢం ముఖం పాయాద్ యం యోగీశ్వరపూజితః |

తం థం దం ధం గలం పాతు నం నారాయణవల్లభః || 17 ||

పం ఫం బం భం మమ స్కంధౌ పాతు మం మహసాం నిధిః |

యం రం లం వం భుజౌ పాతు మూలం సకనాయకః || 18 ||

శం షం సం హం పాతు వక్షో మూలమంత్రమయో ధ్రువః |

ళం క్షః కుక్ష్సిం సదా పాతు గ్రహాథో దినేశ్వరః || 19 ||

ఙం ఞం ణం నం మం మే పాతు పృష్ఠం దివసనాయకః |

అమ్ ఆమ్ ఇమ్ ఈమ్ ఉమ్ ఊం ఋం ౠం నాభిం పాతు తమోపహః || 20 ||

~ళుం ~ళూమ్ ఏమ్ ఐమ్ ఓం ఔమ్ అమ్ అః లింగం మే‌உవ్యాద్ గ్రహేశ్వరః |

కం ఖం గం ఘం చం ఛం జం ఝం కటిం భానుర్మమావతు || 21 ||

టం ఠం డం ఢం తం థం దం ధం జానూ భాస్వాన్ మమావతు |

పం ఫం బం భం యం రం లం వం జంఘే మే‌உవ్యాద్ విభాకరః || 22 ||

శం షం సం హం ళం క్షః పాతు మూలం పాదౌ త్రయితనుః |

ఙం ఞం ణం నం మం మే పాతు సవితా సకలం వపుః || 23 ||

సోమః పూర్వే చ మాం పాతు భౌమో‌உగ్నౌ మాం సదావతు |

బుధో మాం దక్షిణే పాతు నైఋత్యా గురరేవ మామ్ || 24 ||

పశ్చిమే మాం సితః పాతు వాయవ్యాం మాం శనైశ్చరః |

ఉత్తరే మాం తమః పాయాదైశాన్యాం మాం శిఖీ తథా || 25 ||

ఊర్ధ్వం మాం పాతు మిహిరో మామధస్తాంజగత్పతిః |

ప్రభాతే భాస్కరః పాతు మధ్యాహ్నే మాం దినేశ్వరః || 26 ||

సాయం వేదప్రియః పాతు నిశీథే విస్ఫురాపతిః |

సర్వత్ర సర్వదా సూర్యః పాతు మాం చక్రనాయకః || 27 ||

రణే రాజకులే ద్యూతే విదాదే శత్రుసంకటే |

సంగామే చ జ్వరే రోగే పాతు మాం సవితా ప్రభుః || 28 ||

ఓం ఓం ఓం ఉత ఓంఉఔమ్ హ స మ యః సూరో‌உవతాన్మాం భయాద్

హ్రాం హ్రీం హ్రుం హహహా హసౌః హసహసౌః హంసో‌உవతాత్ సర్వతః |

సః సః సః సససా నృపాద్వనచరాచ్చౌరాద్రణాత్ సంకటాత్

పాయాన్మాం కులనాయకో‌உపి సవితా ఓం హ్రీం హ సౌః సర్వదా || 29 ||

ద్రాం ద్రీం ద్రూం దధనం తథా చ తరణిర్భాంభైర్భయాద్ భాస్కరో

రాం రీం రూం రురురూం రవిర్జ్వరభయాత్ కుష్ఠాచ్చ శూలామయాత్ |

అమ్ అమ్ ఆం వివివీం మహామయభయం మాం పాతు మార్తండకో

మూలవ్యాప్తతనుః సదావతు పరం హంసః సహస్రాంశుమాన్ || 30||

అథ ఫలశృతిః

ఇతి శ్రీకవచం దివ్యం వజ్రపంజరకాభిధమ్ |

సర్వదేవరహస్యం చ మాతృకామంత్రవేష్టితమ్ || 31 ||

మహారోగభయఘ్నం చ పాపఘ్నం మన్ముఖోదితమ్ |

గుహ్యం యశస్కరం పుణ్యం సర్వశ్రేయస్కరం శివే || 32 ||

లిఖిత్వా రవివారే తు తిష్యే వా జన్మభే ప్రియే |

అష్టగంధేన దివ్యేన సుధాక్షీరేణ పార్వతి || 33 ||

అర్కక్షీరేణ పుణ్యేన భూర్జత్వచి మహేశ్వరి |

కనకీకాష్ఠలేఖన్యా కవచం భాస్కరోదయే || 34 ||

శ్వేతసూత్రేణ రక్తేన శ్యామేనావేష్టయేద్ గుటీమ్ |

సౌవర్ణేనాథ సంవేష్ఠ్య ధారయేన్మూర్ధ్ని వా భుజే || 35 ||

రణే రిపూంజయేద్ దేవి వాదే సదసి జేష్యతి |

రాజమాన్యో భవేన్నిత్యం సర్వతేజోమయో భవేత్ || 36 ||

కంఠస్థా పుత్రదా దేవి కుక్షిస్థా రోగనాశినీ |

శిరఃస్థా గుటికా దివ్యా రాకలోకవశంకరీ || 37 ||

భుజస్థా ధనదా నిత్యం తేజోబుద్ధివివర్ధినీ |

వంధ్యా వా కాకవంధ్యా వా మృతవత్సా చ యాంగనా || 38 ||

కంఠే సా ధారయేన్నిత్యం బహుపుత్రా ప్రజాయయే |

యస్య దేహే భవేన్నిత్యం గుటికైషా మహేశ్వరి || 39 ||

మహాస్త్రాణీంద్రముక్తాని బ్రహ్మాస్త్రాదీని పార్వతి |

తద్దేహం ప్రాప్య వ్యర్థాని భవిష్యంతి న సంశయః || 40 ||

త్రికాలం యః పఠేన్నిత్యం కవచం వజ్రపంజరమ్ |

తస్య సద్యో మహాదేవి సవితా వరదో భవేత్ || 41 ||

అఙ్ఞాత్వా కవచం దేవి పూజయేద్ యస్త్రయీతనుమ్ |

తస్య పూజార్జితం పుణ్యం జన్మకోటిషు నిష్ఫలమ్ || 42 ||

శతావర్తం పఠేద్వర్మ సప్తమ్యాం రవివాసరే |

మహాకుష్ఠార్దితో దేవి ముచ్యతే నాత్ర సంశయః || 43 ||

నిరోగో యః పఠేద్వర్మ దరిద్రో వజ్రపంజరమ్ |

లక్ష్మీవాంజాయతే దేవి సద్యః సూర్యప్రసాదతః || 44 ||

భక్త్యా యః ప్రపఠేద్ దేవి కవచం ప్రత్యహం ప్రియే |

ఇహ లోకే శ్రియం భుక్త్వా దేహాంతే ముక్తిమాప్నుయాత్ || 45 ||

ఇతి శ్రీరుద్రయామలే తంత్రే శ్రీదేవిరహస్యే

వజ్రపంజరాఖ్యసూర్యకవచనిరూపణం త్రయస్త్రింశః పటలః ||

Thank you for watching Sri suryakavacham