Sri Surya Stotram (శ్రీ సూర్య స్తోత్రం)

ధ్యానం |

ధ్యాయేత్సూర్యమనంతకోటికిరణం తేజోమయం భాస్కరం
భక్తానామభయప్రదం దినకరం జ్యోతిర్మయం శంకరమ్  |
ఆదిత్యం జగదీశమచ్యుతమజం త్రైలోక్యచూడామణిం
భక్తాభీష్టవరప్రదం దినమణిం మార్తాండమాద్యం శుభమ్  ||  1 ||

కాలాత్మా సర్వభూతాత్మా వేదాత్మా విశ్వతోముఖః  |
జన్మమృత్యుజరావ్యాధిసంసారభయనాశనః   || 2 ||

బ్రహ్మస్వరూప ఉదయే మధ్యాహ్నే తు మహేశ్వరః  |
అస్తకాలే స్వయం విష్ణుః త్రయీమూర్తిర్దివాకరః  || 3 ||

ఏకచక్రరథో యస్య దివ్యః కనకభూషితః  |
సోఽయం భవతు నః ప్రీతః పద్మహస్తో దివాకరః  || 4 ||

పద్మహస్తః పరంజ్యోతిః పరేశాయ నమో నమః  |
అండయోనిర్మహాసాక్షీ ఆదిత్యాయ నమో నమః  || 5 ||

కమలాసన దేవేశ భానుమూర్తే నమో నమః  |
ధర్మమూర్తిర్దయామూర్తిస్తత్త్వమూర్తిర్నమో నమః  || 6 ||

సకలేశాయ సూర్యాయ క్షాంతేశాయ నమో నమః  | [ఛాయేశాయ] క్షయాపస్మారగుల్మాదిదుర్ధోషవ్యాధినాశనమ్  || 7 ||

సర్వజ్వరహరం చైవ కుక్షిరోగనివారణమ్ |
ఏతత్ స్తోత్రం శివ ప్రోక్తం సర్వసిద్ధికరం పరమ్  |
సర్వసంపత్కరం చైవ సర్వాభీష్టప్రదాయకమ్  || 8 ||

ఇతి శ్రీసూర్యస్తోత్రమ్ |

Thank you for watching Sri Surya Stotram (శ్రీ సూర్య స్తోత్రం)

Please watch to Aditya hrudaya stotram telugu lyrics.

And follow US on YouTube channel